Jan 8:14 - Di Jamiekan Nyuu Testiment

¹⁴ So Jiizas se tu dem se, “Aal ef mi did a taak bout miself, we mi a se chuu, kaa mi nuo we mi kom fram an mi nuo we paat mi a go. Bot unu no nuo we mi kom fram, an unu no nuo we paat mi a go.

Jan 8:14 ပူးပေါင်းရင်းမြစ်များ

Jan 10:15

— siem laka ou di Faada nuo mi an mi nuo di Faada. An mi gi op mi laif fi mi shiip dem.

Jan 10:36

wa mek unu se, ‘Yu a disrispek Gad’ tu di wan we Gad pik an sen iina di worl? Wa mek unu a se mi disrispek Gad kaa mi se, ‘Mi a Gad Bwai Pikni’?

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 14:10

Yu no biliiv se mi liv iina di Faada, an di Faada liv iina mi? Di sitn dem we mi se mi no jos se dem aafa mi uon. A di Faada we liv iina mi a du im wok.

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 5:31

“Ef a onggl mi wan a tel piipl bout miself, den wa mi se no wot notn.

Jan 8:42

Bot Jiizas se tu dem se, “Ef Gad did a unu Faada fi chuu, unu wuda lov mi, kaa mi kom fram Gad an nou mi de ya. Mi no kom ya pan mi uon; a im sen mi ya.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.