Jan 8:12 - Di Jamiekan Nyuu Testiment

¹² Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Jan 8:12 ပူးပေါင်းရင်းမြစ်များ

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.

Jan 9:5

Fi az lang az mi iina di worl, mi a di wan we lait op di worl.”

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Matyu 5:14

“Unu a laik lait we di uol worl niid. Wan siti we de pan di il tap, it kyaahn aid.

Jan 3:19

“Nou, a dis ya mek piipl get rait aaf: di wan we a di lait kom iina di worl, bot di piipl dem we liv iina di worl lov daaknis insted-a lait. Dem lov di daak, kaa a bier wikidnis dem du.

2 Piita 2:4

Kaaz ef Gad neehn iivn spier di ienjel dem we did sin, bot did chuo dem chriet dong a el we dem chien op iina daaknis a wiet til jojment kom,

Aks 13:47

Dis a wa di Laad Gad aada wi fi du, im se: “ ‘Mi pik yu laik wan lait fi mek di piipl we a no Juu nuo bout mi, fi tel piipl aal uova di worl bout di wan we kom fi siev dem.’ ”

Aks 26:23

Dem se di wan we Gad sen fi siev piipl did afi ded so im kuda bi di fos wan fi kom bak alaiv an fi mek piipl we a Juu an piipl we a no Juu nuo se dem kyan get siev, an da mesij de a-go komiin laik lait tu dem.”

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 7:17

Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

Revilieshan 21:24

Di piipl dem fram aal a di konchri dem iina di worl a-go liv iina di lait we a shain fram di siti, an di king dem we ruul di worl a-go kyari aal a di sitn dem we mek dem rich go iina di siti.

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Juud 1:13

Di wikid sitn we dem du a-go shuo op laik fraat pan sii waata. Dem piipl ya komiin laik staar we no tan we Gad put dem fi tan, so Gad a-go lak dem op iina wan daak daak plies fi eva an eva.

2 Piita 2:17

Dem piipl ya komiin laik wan foutn widout no waata, dem a laik kloud we staam bluo we; di daakis paat a el a wiet fi dem.

Juud 1:6

Unu nuo tu bout di ienjel dem wa neehn tan we Gad put dem fi ruul. Dem jos lef dem plies so. Siek-a dat Gad tai dem op wid chien fi eva an eva. Gad a kip dem tai op iina wan daak daak pit til di big big jojment die.

Jan 12:36

Chos iina di wan we gi lait wail unu av im wid unu, chos iina im so unu kyan bi piipl we bilang tu di lait.” Afta Jiizas don taak, im lef go we go aid imself fram di kroud.

1 Jan 1:6

Ef wi se wi a muuv kluos wid Gad bot wi a liv iina di daak siem wie, a lai wi a tel, wi naa liv azkaadn tu di chuut.