Jan 8:11 - Di Jamiekan Nyuu Testiment

¹¹ “No iivn a suol, sar,” shi se. “Den mi naa go se yu fi ded siek-a we yu du niida,” Jiizas se tu ar. “Gwaan nou, an no sin no muor.”

Jan 8:11 ပူးပေါင်းရင်းမြစ်များ

Luuk 13:3

Nuo! Mi tel unu, bot ef unu no sari fi di rang we unu du an chienj unu wiez, unu a-go ded siem wie laka dem.

Luuk 13:5

Nuo, mi tel unu! Bot ef unu no sari fi di rang we unu du an chienj unu wiez, unu a-go ded siem wie laka dem.”

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Luuk 5:32

Mi no kom ya fi tel piipl we du rait fi ton fram dem sin, a piipl we du rang mi kom ya fa.”

Luuk 9:56

an so dem go a wan neda dischrik.

Jan 18:36

So Jiizas se tu im se, “Mi no ruul laka di king dem we de iina di worl. Ef mi did ron tingz laka dem, mi sorvant dem wuda tek op fi mi an fait fi mek dem no ares mi an gi mi uova tu di Juu liida dem. Bot mi no ruul laka di king dem iina di worl.”

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Jan 8:15

Unu joj bies pan we unu kyan si. Mi no dwi'it di wie unu dwi'it.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

1 Korintiyan 5:12

Kaaz wa bizniz mi av a joj piipl we no biliiv iina Gad? A no di piipl we biliiv iina Gad wi fi joj?

2 Piita 3:15

Memba se Gad a tek im taim so dat unu kyan get siev, jos laik wa wi gud fren, breda Paal rait an tel unu. A Gad mek im waiz so, so im kuda rait dem sitn de we im rait an tel unu.