Jan 7:39 - Di Jamiekan Nyuu Testiment

³⁹ (Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Jan 7:39 ပူးပေါင်းရင်းမြစ်များ

Matyu 16:14

Dem ansa bak, “Som se Jan di Baptis, ada piipl se Ilaija, den yu av som we se Jerimaiya ar wan a di prafit dem.”

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Luuk 24:49

An luk, mi a sen unu we mi Faada pramis fi gi unu, bot tan iina di siti til unu get powa fram evn.”

Luuk 3:16

So im se tu dem, “Mi baptaiz unu iina waata. Bot sumadi we muo impuotant dan mi a kom an mi no iivn gud inof fi pul di chrap pan im slipaz. Im wi baptaiz unu iina di Uoli Spirit an faiya.

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Jan 1:21

So dem aks im se, “Den a uu yu den? Ilaija?” Jan se, “Nuo, mi a no Ilaija!” “So, yu a di prafit?” Bot Jan tel dem se, “Nuo!”

Jan 1:25

Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”

Jan 1:33

Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, ‘Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.’

Jan 12:16

(Nou Jiizas falara dem neehn andastan dem sopm ya fos aaf. A onggl afta Jiizas ded an kom bak alaiv an Gad shuo ou im big an powaful dem memba se dem sitn ya did rait dong bout im an dat dem did apm tu im.)

Jan 12:23

Jiizas se tu dem se, “Di taim kom fi Gad shuo ou di Man we Gad pik big an powaful.

Jan 14:13

An mi wi du eniting unu aks fa kaa unu a mi falara. Mi gweehn dwi'it so dat di Bwai Pikni kyan get fi shuo ou di Faada big an powaful.

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 16:14

Im a-go shuo ou mi big an powaful, kaaz im a-go ier wa mi se an tel unu it bak.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 17:1

Afta Jiizas don se dem sitn ya, im luk op iina di skai an prie tu Gad se: “Faada, di taim kom nou. Shuo evribadi ou yu Bwai Pikni big an powaful, so im kyan shuo dem ou yu big an powaful.

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 20:22

Afta im se dat im bluo pan dem an se, “Mek di Uoli Spirit kom iina unu laif.

Jan 6:14

Wen di piipl dem si di powaful sitn we Jiizas du, dem staat se tu dem wan aneda, “A di Prafit we did fi kom iina di worl dis fi chuu!”

Jan 7:12

Wan uol iip a piipl did a wispa wispa wa dem tingk bout Jiizas mongks demself. Som did a se, “Im a wan gud man.” An yu did av som we se, “Nuo, sa! A fuul im a fuul op di piipl dem.”

Jan 8:54

Jiizas ansa dem se, “Ef mi big op miself, dat de big op de no wot wan ting. Fi mi Faada, di wan we unu se a fu'unu Gad, a im a di wan we big mi op.

Aks 19:2

an se tu dem se, “Unu did get di Uoli Spirit wen unu biliiv iina Jiizas?” Dem se, “Nuo, wi neva iivn ier se Uoli Spirit de.”

Aks 2:17

“Gad se, ‘Iina di laas die dem, mi a-go put mi Spirit iina piipl evriwe. Unu bwai pikni dem an unu gyal pikni dem a-go priich mi mesij. Unu yong man dem a-go get vijan fram Gad, an unu uol man dem a-go andastan Gad mesij chuu di jriim dem we dem get fram Gad.

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

2 Korintiyan 3:8

unu no tingk se di Nyuu Diil we di Spirit bring an we kyan siev piipl a-go kom wid nof muor powa dan dat?

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.