Jan 7:31 - Di Jamiekan Nyuu Testiment

³¹ Stil, nof piipl iina di kroud biliiv iina im. Ier wa dem se, “Wen di Krais kom, yu tingk im a-go wok nof muo mirikl dan wa da man ya a du?”

Jan 7:31 ပူးပေါင်းရင်းမြစ်များ

Jan 12:42

A di sed taim stil, uol iip a piipl, aal som a di Juu liida dem, chos iina im. Bot dem wudn se dem biliiv se Jiizas a di Krais, kaa dem did fried a di Farisii dem we wuda chuo dem outa di Juu choch.

Matyu 12:23

Evribadi we si wa apm jaa jrap a grong di wie dem fraitn. Dem se, “A kuda Dievid pikni dis?”

Aks 8:13

Aal Saiman biliiv an get baptaiz tu. Im fala Filip evriwe im go an im kudn biliiv di mirikl dem we Filip did a du.

Jan 11:45

So nou, nof a di Juu dem we did kom luk fi Mieri biliiv iina Jiizas wen dem si we im du.

Jan 9:16

Den som a di Farisii dem se, “Di man we du da sitn ya no kom fram Gad, kaa im no kip di Sabat.” Bot som ada piipl aks, “Bot a ou sina man fi du dem powaful mirikl ya?” So aal a dem neehn grii wid dem wan aneda.

Jiemz 2:26

So siem laik ou di badi ded an no wot notn wen di spirit lef it, a siem so it no wot notn wen sumadi se dem biliiv iina Gad an no du di wok wa shuo se dem riili biliiv.

Jan 12:11

kaa siek-a Jiizas mek im kom bak alaiv nof a di Judiya Juu piipl dem did a-go tu Jiizas an staat chos iina im.

Jan 6:2

Wan big kroud a piipl fala baka im, kaa dem si di powaful mirikl dem im did a wok an mek sik piipl get beta.

Jan 4:39

Nou, nof a di Samaritan piipl dem we did lef outa di toun did biliiv iina Jiizas. Dem biliiv iina im siek-a wa di uman did tel dem se. Shi se, “Im tel mi bout evriting we mi eva du.”

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Jan 4:29

“Unu kom, kom kom luk pan wan man we tel mi bout aal a di sitn dem mi eva du. Unu tingk se im kuda a di Krais?”

Jan 7:26

Bot ku ya! Si'im ya a taak so evribadi kyan ier im, an evribadi a kiba dem mout, dem naa se notn tu im. Yu tingk se di ruula dem riili biliiv se im a di Krais fi chuu?