Jan 7:26 - Di Jamiekan Nyuu Testiment

²⁶ Bot ku ya! Si'im ya a taak so evribadi kyan ier im, an evribadi a kiba dem mout, dem naa se notn tu im. Yu tingk se di ruula dem riili biliiv se im a di Krais fi chuu?

Jan 7:26 ပူးပေါင်းရင်းမြစ်များ

Matyu 22:16

So dem sen som a fi dem falara plos Erad falara dem go a Jiizas. Dem se tu im se, “Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal.

Luuk 23:13

Pailat kaal op di ed priis dem, liida dem an piipl dem

Luuk 7:30

Bot di Farisii an di Laa tiicha dem ton dem bak pan wa Gad did waahn dem fi du, kaaz dem neva mek Jan Baptaiz dem.)

Jan 12:42

A di sed taim stil, uol iip a piipl, aal som a di Juu liida dem, chos iina im. Bot dem wudn se dem biliiv se Jiizas a di Krais, kaa dem did fried a di Farisii dem we wuda chuo dem outa di Juu choch.

Jan 18:20

“Mi taak fi evribadi ier mi,” Jiizas se tu im. “Mi tiich iina di Juu dem choch an iina di yaad we Gad ous de — we paat di Juu piipl dem miit op tugeda. Mi no aid an se notn.

Jan 3:1

Yu did av wan Farisii man niem Nikodiimos, wan a di Juu liida dem.

Jan 4:29

“Unu kom, kom kom luk pan wan man we tel mi bout aal a di sitn dem mi eva du. Unu tingk se im kuda a di Krais?”

Jan 7:25

Nou da taim de som a di piipl we liv a Jeruusilem staat aks, “A no di man dis we dem a chrai fi kil?

Jan 7:31

Stil, nof piipl iina di kroud biliiv iina im. Ier wa dem se, “Wen di Krais kom, yu tingk im a-go wok nof muo mirikl dan wa da man ya a du?”

Jan 7:48

Non a di Juu ruula ar Farisii dem biliiv iina im, iihn?

Jan 9:22

(Di man mada an faada se so chuu dem did fried a di Juu liida dem, kaa di liida dem did don mek op dem main se enibadi we biliiv an se dat Jiizas a di Krais wuda get put outa di Juu dem choch.

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.