Jan 7:23 - Di Jamiekan Nyuu Testiment

²³ So ef wan pikni kyan get sorkomsaiz pan di Sabat fi mek shuor se Muoziz Laa no get brok, wa mek unu beks wid mi, kaa mi mek sumadi get beta pan di Sabat.

Jan 7:23 ပူးပေါင်းရင်းမြစ်များ

Matyu 12:5

“Ar, uol aan de, unu no riid iina di Laa ou di priis dem wok iina Gad ous pan Sabat die an so dem a brok wa di Laa se bout di Sabat, bot dem no du notn rang iina Gad yai.

Matyu 12:2

Bot wen di Farisii si wa a gwaan dem se tu im se, “Luk! Yu speshal falara dem a du wa di Laa se wi no fi du pan di Sabat.”

Matyu 12:10

Wan man did de de uufa an did shrivl op shrivl op. An som piipl aks Jiizas, “Bies pan Muoziz Laa, it aarait fi piipl get iil pan di Sabat die?” Dem aks im dat kaa dem did a luk fi wan riizn fi se im did a brok di Laa.

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 7:21

So Jiizas se tu dem se, “Mi du onggl wan mirikl an di uol a unu shak.

Jan 9:16

Den som a di Farisii dem se, “Di man we du da sitn ya no kom fram Gad, kaa im no kip di Sabat.” Bot som ada piipl aks, “Bot a ou sina man fi du dem powaful mirikl ya?” So aal a dem neehn grii wid dem wan aneda.