Jan 7:19 - Di Jamiekan Nyuu Testiment

¹⁹ No chuu se a Muoziz gi unu di Laa? Bot non a unu no kip it. So wa mek unu a chrai fi kil mi?”

Jan 7:19 ပူးပေါင်းရင်းမြစ်များ

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 11:53

So fram da die de, dem mek plan wid dem wan aneda fi kil Jiizas.

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Matyu 12:14

Bot di Farisii dem go we an staat plan ou dem mait-a kil Jiizas.

Gyalieshan 6:13

No iivn di wan dem we sorkomsaiz a fala di Laa, bot dem waahn yu fi go get sorkomsaiz so dat dem kyan go brag bout ou dem kaaz yu fi du it.

Gyalieshan 3:19

Nou som piipl a-go se, “So wa wi get di Laa fa?” Gad mek wan pramis tu wi bot im gi wi di Laa kaaz wi did a sin an im waahn wi fi liv rait. Gad did waahn piipl fi fala da Laa de til wen Iebriyam pikni, we Gad se im wuda bles, kom. Nou wen Gad did a gi wi di Laa — im sen som ienjel fi tel Muoziz an den Muoziz kom tel wi. So Muoziz a did wi lingk tu Gad.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Jan 10:39

Den, dem chrai fi uol im an lak im op wan muo taim, bot im get we fram dem.

Jan 7:25

Nou da taim de som a di piipl we liv a Jeruusilem staat aks, “A no di man dis we dem a chrai fi kil?

Jan 5:45

“Bot no tingk se mi gweehn paint fingga pan unu an se unu gilti wen taim unu tan op infronta mi Faada. Nuo! A Muoziz gweehn dwi'it. Di siem wan we unu tingk se wuda elp unu.

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 5:16

An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Maak 3:6

So siem taim di Farisii dem lef out an go staat plan wid Erad falara dem fi kil Jiizas.

Maak 3:4

Den im aks di piipl, “Wich wan di Laa se wi kyan du pan di Sabat: fi du gud ar fi du bad, fi siev sumadi laif ar fi kaaz sumadi fi ded?” Bot nobadi neva se a wod.

Matyu 21:38

“Bot eh eh, wen di tenant dem si di bwai, dem se tu dem wan aneda se, ‘A da wan ya a-go get evriting wen im faada ded. Kom mek wi kil im an tek wa im wuda get.’

Maak 11:18

Di ed priis an di Laa tiicha dem ier wa Jiizas se, an dem staat luk fi wan wie fi kil im, kaaz dem did fried a im, kaaz im did a tiich so gud it did shak di uol kroud a piipl.