Jan 7:17 - Di Jamiekan Nyuu Testiment

¹⁷ Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

Jan 7:17 ပူးပေါင်းရင်းမြစ်များ

Jan 8:43

Wa mek unu no andastan wa mi a se? A chuu unu kyaahn riili si chuu wa mi a tel unu se.

Jan 8:47

Dem we bilang tu Gad ier wa Gad se. Unu kyaahn si chuu we mi a se, kaa unu no bilang tu Gad.”

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Luuk 8:15

Di wan dem we jrap pan gud grong, a di piipl dem uufa aat riili gud. Dem ier di wod an uol aan pan it. Aal wen aad taim kom, dem stil bier fruut.

Matyu 6:22

“Di yai dem a laik lamp, a dem gi di uol badi lait. So ef yu yai dem gud, yu uol badi wi ful-a lait. So unu wi si gud gud wa unu a du iina evri paat a unu laif.

Jan 3:21

Bot di sumadi we a du wa Gad se a di rait ting fi du, waak out iina di lait, so dat evribadi kyan si se a riili Gad mek im du we im a du.”

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.