Jan 7:16 - Di Jamiekan Nyuu Testiment

¹⁶ So Jiizas ansa dem an se, “A no mi mek op we mi tiich. A di wan we sen mi kom gi mi it fi tiich.

Jan 7:16 ပူးပေါင်းရင်းမြစ်များ

Jan 14:10

Yu no biliiv se mi liv iina di Faada, an di Faada liv iina mi? Di sitn dem we mi se mi no jos se dem aafa mi uon. A di Faada we liv iina mi a du im wok.

Jan 14:24

Sumadi we no lov mi, no du wa mi se. Di sitn dem unu ier mi se, a no mi kom op wid dem; a mi Faada, di wan we sen mi kom ya.

Jan 17:14

Mi tel dem we yu tel mi fi tel dem, an di worliyan dem iet dem, kaa, jos laka mi, dem no worliyan.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 3:11

Fi chuu chuu, mi a tel yu: wi taak bout di sitn dem we wi nuo bout, an wi taak bout di sitn dem we wi si fi wiself, bot unu piipl no tek wa wi se.

Jan 3:31

“Di sumadi we kom fram op a tap, biga an beta dan evribadi. Di sumadi we kom fram ort bilang tu di ort, an im taak bout wa gwaan pan di ort. Di sumadi we kom fram op a tap, biga an beta dan evribadi.

Jan 5:30

Mi kyaahn du a ting pan mi uon. Mi onggl joj piipl di wie mi Faada tel mi fi dwi'it, an mi dwi'it rait, kaa mi naa dwi'it fi mek miself api. Nuo! Mi dwi'it fi mek di wan we sen mi kom ya api.

Jan 6:44

“Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.

Jan 8:28

So Jiizas se, “Wen unu lif op di Man we Gad Pik pan di kraas, a dem taim de unu gweehn nuo se mi a uu mi se mi bi, an dat mi no du notn pan mi uon bot dat mi taak onggl wa mi Faada tiich mi.

2 Jan 1:9

Ef nobadi ton we fram di sitn dem wa Krais Jiizas tiich, im no av Gad iina im. Bot di sumadi we uol aan tait tu di sitn dem bout Krais Jiizas, da sumadi de av Faada Gad an im Bwai Pikni a liv iina im.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.