Jan 7:14 - Di Jamiekan Nyuu Testiment

¹⁴ A no til aaf wie chuu di Ot Alidie dat Jiizas go op we paat Gad ous de an staat tiich.

Jan 7:14 ပူးပေါင်းရင်းမြစ်များ

Matyu 21:12

Den Jiizas go iina Gad ous an staat fling out aal a di piipl dem we did iin de a sel an a bai. Di piipl dem we did a chienj out moni, Jiizas pich uova fi dem tiebl, an ton uova di chier fi aal uu did de de a sel dov.

Matyu 26:55

Da taim de, Jiizas se tu di kroud a piipl se, “A kom unu kom wid suod an big tik fi ares mi laik se mi a oul tiif an mordara?” Die iin die out unu si mi iina di yaad we Gad ous de a tiich, an unu no ares mi.

Luuk 19:47

Evridie Jiizas tiich iina di yaad we Gad ous de. Di ed priis, di Laa tiicha dem an di liida dem tu, did a set fi kil im.

Jan 18:20

“Mi taak fi evribadi ier mi,” Jiizas se tu im. “Mi tiich iina di Juu dem choch an iina di yaad we Gad ous de — we paat di Juu piipl dem miit op tugeda. Mi no aid an se notn.

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Jan 7:2

Nou, a did nieli taim fi di Juu piipl dem Ot Alidie.

Jan 7:28

Da taim de, Jiizas did stil a tiich iina di yaad we Gad ous de. Im ier we di piipl dem did a se, so im baal out loud loud pan tap a im vais an se, “Unu nuo mi an unu nuo we paat mi kom fram! Mi no sen miself kom ya, bot unu kyan chos di wan we sen mi kom. Unu no nuo im,

Jan 7:37

Pan di laas an bigis die a di Ot Alidie, Jiizas get op an baal out pan tap a im vais, “Ef nobadi torsti, mek dem kom tu mi fi sitn fi jringk.

Jan 8:2

Orli di neda maanin, im go baka di yaad we Gad ous de. Wen im riich de, uol iip a piipl bongl roun im, an im sidong an staat tiich dem.

Jan 8:20

(Jiizas se dem sitn ya wen im did a tiich iina di yaad we Gad ous de, nier wich paat piipl jrap dem aafrin. An nobadi neehn uol im fi lak im op, kaa im taim neehn kom yet.)