Jan 7:13 - Di Jamiekan Nyuu Testiment

¹³ Bot iina aal we did a gwaan evribadi kiba dem mout, no iivn a suol wuda se notn fi mek tu moch piipl ier wa dem tingk, kaa dem did fried a wa di Juu liida dem wuda du dem.

Jan 7:13 ပူးပေါင်းရင်းမြစ်များ

Jan 9:22

(Di man mada an faada se so chuu dem did fried a di Juu liida dem, kaa di liida dem did don mek op dem main se enibadi we biliiv an se dat Jiizas a di Krais wuda get put outa di Juu dem choch.

Jan 19:38

Afta dem sitn ya apm, Juozif we kom fram Arimatiya, aks Pailat fi gi im Jiizas badi. Juozif a did wan a Jiizas falara dem, bot im neehn mek nobadi nuo kaaz im did fried a di Juu liida dem. So wen Pailat tel im se im kuda did get Jiizas badi, im tek it kyari go we.

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Jan 9:34

Wen dem ier dat, dem se tu im se, “Yu ful op a sin fram yu baan. A uu yu tingk yu bi fi a chrai a tiich wi notn?” An dem kik im outa di Juu choch.

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Jan 7:11

Nou, di Juu liida dem we did de de did a luk out fi im an did a aks, “A wich paat im de?”

Jan 7:15

Di Juu liida dem shak wen dem si ou im tiich, so dem aks, “A ou da man ya nuo so moch an im neehn go a skuul?”