Jan 7:11 - Di Jamiekan Nyuu Testiment

¹¹ Nou, di Juu liida dem we did de de did a luk out fi im an did a aks, “A wich paat im de?”

Jan 7:11 ပူးပေါင်းရင်းမြစ်များ

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 11:56

Dem did a luk aad fi Jiizas, an did a se tu dem wan aneda wen dem did a tan op iina Gad ous se, “Wa yu tingk? Yu tingk se im naa kom a Paasuova?”

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Jan 7:13

Bot iina aal we did a gwaan evribadi kiba dem mout, no iivn a suol wuda se notn fi mek tu moch piipl ier wa dem tingk, kaa dem did fried a wa di Juu liida dem wuda du dem.

Jan 7:15

Di Juu liida dem shak wen dem si ou im tiich, so dem aks, “A ou da man ya nuo so moch an im neehn go a skuul?”

Jan 9:12

“Wich paat da man ya de?” dem aks im. “Mi no nuo,” im se.