Jan 6:9 - Di Jamiekan Nyuu Testiment

⁹ “Si wan lili bwai ya wid faiv likl wiit bred an tuu likl fish, bot a ou dem a-go sorv fi so moch piipl?”

Jan 6:9 ပူးပေါင်းရင်းမြစ်များ

Matyu 14:17

Dem se tu im se, “A onggl faiv bred an tuu fish wi av ya-so yu no.”

Matyu 16:9

Unu stil no andastan? Unu no memba di faiv bred we fiid di faiv touzn piipl dem an umoch baaskit a nyam-an-lef unu tek op, iihn?

Maak 6:38

Den Jiizas aks dem se, “Umoch bred unu av? Gwaan go fain out.” So dem fain out an tel im se, “Wi av faiv bred an tuu fish.”

Maak 8:19

Wen mi did brok di faiv bred dem an fiid di faiv touzn piipl dem, umoch baaskit a nyam-an-lef unu did pik op afta dat?” Dem se, “Twelv.”

Luuk 9:13

Jiizas ansa dem se, “Unu gi dem sitn fi nyam.” Dem ansa Jiizas an se, “Wi av onggl faiv bred an tuu fish. Ef wi fi fiid da kroud a piipl ya, wi afi go bai fuud.”

Jan 11:21

“Laad,” Maata se tu Jiizas, “ef yu did de ya, mi breda wudn ded.

Jan 11:32

Wen Mieri kech we paat Jiizas did de, shi jrap arself a im fut an se, “Laad, ef yu did onggl de ya, mi breda wudn ded.”

Jan 21:10

Jiizas se tu dem se, “Kyari som a di fish we unu kech kom.”

Jan 21:13

So Jiizas kom, tek di bred an gi dem, an im du di sed ting wid di fish.

Jan 21:9

Wen dem riich iin, dem si kuol faiya wid fish an bred pan it.

Jan 6:11

So Jiizas tek di fuud, gi Gad tangks fi it an shier gi aal a di piipl dem. Dem get az moch az dem waahn. Afta dat, im tek di fish dem an du di siem ting.

Jan 6:7

Filip ansa im an se, “No iivn iet mont wot a pie wuda inof fi bai fuud fi mek non a dem piipl ya get iivn wan likl tups a fuud.”

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Revilieshan 6:6

Den mi ier sopm laik wan vais mongks di fuo sitn dem a se, “Wan poun a biekin flowa a-go kaas wan uol die pie, an siks poun a kounta flowa a-go kaas wan uol die pie, bot no faas wid di ail an di wain!”