Jan 6:68 - Di Jamiekan Nyuu Testiment

⁶⁸ Saiman Piita ansa im an se, “Laad, a uu els wi mos go tu? A yu av di mesij we kaaz piipl fi liv fi eva.

Jan 6:68 ပူးပေါင်းရင်းမြစ်များ

Matyu 16:16

Saiman Piita se, “Yu a di Krais, di Gad we alaiv Bwai Pikni.”

Maak 8:29

Den Jiizas aks dem se, “Bot wa bout unu, uu unu tingk mi bi?” Piita ansa im se, “Yu a di Krais.”

Luuk 9:20

“Bot wa bout unu?” Jiizas aks dem. “Uu unu tingk mi bi?” Piita ansa, “Di Krais.”

Jan 12:49

Kaa di sopm dem we mi se, mi no se pan mi uon, a di faada we sen mi kom ya, a im tel mi we mi fi se an ou fi se it.

Jan 12:50

An mi nuo se we im tel mi fi du gweehn mek piipl liv fi eva. So wa mi se a jos wa di Faada tel mi fi se.”

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Jan 6:63

Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif.

Aks 13:26

“Breda an sista we a Iebriyam pikni, an aal a unu we a no Juu we rispek Gad, a wi di mesij kom tu bout ou Gad siev piipl.

Aks 4:12

A onggl Jiizas wan kyan siev piipl, an a fi'im niem Gad gi piipl. Nobadi els iina di uol worl kyaahn siev yu.”

Aks 5:20

“Go tan op iina di yaad we Gad ous de an tel di piipl dem evriting bout da nyuu wie ya fi liv.”

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.