Jan 6:66 - Di Jamiekan Nyuu Testiment

⁶⁶ Fram da taim de, nof a im falara dem ton bak an tap fala im. So im se tu im twelv falara dem se,

Jan 6:66 ပူးပေါင်းရင်းမြစ်များ

Luuk 9:62

Jiizas ansa an se, “Enibadi we staat plou an luk bak no fit fi Gad kindom.”

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

Iibruu 10:38

An mi piipl dem we du di rait sitn dem a-go liv kaaz dem biliiv iina mi. An ef dem go ton bak mi naa go api wid dem at aal at aal.”

Jan 6:60

Afta nof a Jiizas falara dem ier aal a we im did av fi se, dem se, “It no iizi fi tek iin wa im a tiich se. A wan aad sitn im a tiich. Uu kyan andastan wa im a se?”

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Jan 8:31

Jiizas se tu di Juu dem we kom fram Jeruusilem an we chos iina im se, “Ef unu gwaan du di sitn dem we mi tiich, unu a mi falara dem fi chuu.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

Matyu 19:22

Bot wen di yong man ier dis ya, im aat jrap an im go we sad, kaa im did wel rich.

Jan 6:64

Bot, som a unu no biliiv.” (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.)

Jan 2:2

an Jiizas an im falara dem did de de, kaa dem did get invait tu.

Jan 7:3

Jiizas breda dem se tu im, “Muuv out fram ya-so no, an go a Judiya so yu falara dem kyan si di big an powaful sitn dem we yu kyan du.