Jan 6:63 - Di Jamiekan Nyuu Testiment

⁶³ Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif.

Jan 6:63 ပူးပေါင်းရင်းမြစ်များ

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

Gyalieshan 5:25

So sins Gad Spirit gi wi laif, mek wi liv ou di Spirit waahn wi fi liv.

Jan 6:68

Saiman Piita ansa im an se, “Laad, a uu els wi mos go tu? A yu av di mesij we kaaz piipl fi liv fi eva.

1 Piita 1:23

Unu fi du dis, kaaz nou, unu no jos baan fram unu mada an faada we kyan ded, bot da taim ya unu baan fram Gad — an da siid ya kyaahn ded. Unu baan fram Gad siek-a im wod we alaiv fi chuu, an we a-go liv fi eva an eva.

1 Korintiyan 15:45

It aal rait dong iina Gad wod se, “Di fos man, Adam, Gad did afi mek im — Gad did afi gi im laif.” Bot di laas Adam, im a-go bi wan spirit we kyan gi piipl laif.

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

1 Timoti 4:8

Kaaz jos laik ou wi eksasaiz an chrien wi badi so it wi chrang, wi afi eksasaiz an chrien wi aat fi fala Gad. Kaaz wen wi chrien wi aat fi fala Gad wi no jos get chrang bot Gad kaaz wi fi liv nou an fi eva an eva.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Ruoman 2:25

Ef unu a fala di Laa, den di fak se unu sorkomsaiz miin sopm. Bot ef unu naa fala di Laa, unu kuda sorkomsaiz likl muor, it no miin a ting — a laik se unu neva sorkomsaiz iina di fos plies.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Aks 5:20

“Go tan op iina di yaad we Gad ous de an tel di piipl dem evriting bout da nyuu wie ya fi liv.”