Jan 6:51 - Di Jamiekan Nyuu Testiment

⁵¹ Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Jan 6:51 ပူးပေါင်းရင်းမြစ်များ

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Luuk 22:19

Jiizas tek op di bred, gi Gad tangks an brok it op gi dem, an se, “Dis a mi badi, we mi a gi op fi unu. Unu fi du dis fi memba mi.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Jan 11:26

An dem we alaiv an biliiv iina mi, dem naa go ded. Yu biliiv dis ya?”

Jan 3:13

Nobadi neva go a evn yet — onggl di wan we kom dong fram out de. An dat a di Man we Gad Pik.

Jan 3:14

Jos laka ou Muoziz did lif op di siniek iina di dezot, a sed wie so di Man we Gad Pik mos get lif op,

Jan 3:16

“Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 6:33

Kaa, di sumadi we kom dong fram outa evn an we gi laif tu di piipl dem we de iina di worl a im a di fuud we Gad gi.”

Jan 6:35

Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen.

Jan 6:41

Di Juu piipl dem nou staat grombl chuu im se, “Mi a di fuud we kom fram outa evn.”

Jan 6:47

Mi a tel unu fi chuu chuu: enibadi we chos iina mi gweehn liv fi eva.

Jan 6:48

Mi a di fuud we kaaz piipl fi liv.

Jan 6:50

Bot si di fuud ya we kom fram outa evn! Enibadi we nyam it naa go ded.

Jan 7:38

Wa Gad wod se gweehn apm tu di piipl we biliiv iina mi. It se, ‘Som riva wid waata we gi laif a-go ron outa dem.’ ”

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 5:25

Nou, di ozban dem fi lov dem waif siem laik ou Krais Jiizas lov di choch an ded pan di kraas fi it.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 10:20

kaaz im go sakrifais im badi we komiin laka di kortn we put op iina Gad ous fi kova di plies we Gad de; an di sakrifais im go sakrifais im badi, dat uopm op wan nyuu wie fi wi, wan wie we gi laif — wan wie we liid tu Gad.

1 Piita 2:4

Wen unu a kom tu di Laad, a wan stuon we a liv unu a kom tu. Im a laik wan stuon we a liv we piipl did ton dem bak pan an se naa no yuus, bot wan we Gad pik an we wot uol iip tu Gad.

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

1 Jan 4:10

Riil lov a no ou wi lov Gad, bot a ou Gad lov wi an ou im sen im wan dege-dege Bwai Pikni kom ded fi wi sin dem.

1 Jan 4:14

Faada Gad sen im Bwai Pikni fi siev wi. Wi did si im, an wi a tel evribadi bout im.