Jan 6:45 - Di Jamiekan Nyuu Testiment

⁴⁵ Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

Jan 6:45 ပူးပေါင်းရင်းမြစ်များ

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Maak 1:2

It rait dong iina di buk we di prafit Aizaiya rait, se: “Luk, mi wi sen mi mesinja fi gwaan til yu kom, im a-go get piipl redi fi yu.”

Luuk 1:70

Jos laik ou im did taak chuu im uoli prafit dem wie bak wen an se:

Luuk 18:31

Jiizas tek im twelv falara dem wan said an tel dem se, “Wi a go op a Jeruusilem, an evriting di prafit dem rait dong bout di Man we Gad Pik a-go apm.

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:65

So pan tap a dat im se, “A dat mek mi tel unu se nobadi kyaahn kom tu mi ef mi Faada no gi'im di chaans.”

Aks 13:40

Main wa di prafit dem se kech unu: dem se,

Aks 7:42

Bot Gad ton we fram dem an lef dem fi worship di staar dem iina di skai. Dis a di siem ting wa rait dong iina di buk we di prafit dem rait: ‘Unu Izrel piipl a mi unu did kil animal an gi an bon sakrifais tu iina di dezot fi faati ier?

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Filipiyan 3:15

So aal a wi we tingk di wie Krais Jiizas waahn wi fi tingk, wi fi gwaan tingk da wie de. Bot ef non a unu no si tingz da wie de, Gad wi shuo unu an mek unu andastan wa mi se.

1 Tesaluoniyan 4:9

Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

Iibruu 10:16

“Di Laad se, ‘Likl muo fram nou, dis a di diil we mi a-go mek wid dem: Mi a-go put mi laa iina dem ed an rait it dong pan dem aat, so dem wi andastan it an lisn we mi se.’”

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.