Jan 6:40 - Di Jamiekan Nyuu Testiment

⁴⁰ Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Jan 6:40 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Luuk 2:30

Kaaz wid mi uon tuu yai dem, mi si di sumadi we yu sen fi siev piipl.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 10:28

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Jan 11:24

So Maata ansa im an se, “Mi nuo im gweehn kom bak alaiv pan di die wen di worl en an piipl kom bak alaiv.”

Jan 11:25

Den Jiizas se tu ar se, “Mi a di wan we mek piipl kom bak alaiv; a mi mek piipl liv. Enibadi we biliiv iina mi a-go liv, aal ef dem ded.

Jan 12:45

Dem we si mi, si di wan we sen mi kom ya tu.

Jan 12:50

An mi nuo se we im tel mi fi du gweehn mek piipl liv fi eva. So wa mi se a jos wa di Faada tel mi fi se.”

Jan 14:17

Da sumadi de a di Spirit we shuo piipl di chuu sitn dem bout Gad. Di worliyan dem kyaahn tek im iin an mek im kanchuol dem laif, kaa dem no si im an dem no nuo im. Bot unu nuo im, kaaz im liv wid unu an a-go de insaida unu.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Jan 6:44

“Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.

Jan 6:54

Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die.

Jan 8:56

Unu faada Iebriyam did glad wen im si fi mi die an iej. Im si'it an did glad bout wa im si.”

Ruoman 5:21

Im du dat, so dat, jos laik ou evribadi evriwe did a ded siek-a dem sin, a siem so Gad lov, iivn duo wi neva dizorv it, wuda kaaz piipl fi liv fi eva. Siek-a Gad lov an siek-a wa wi Laad Jiizas Krais du, Gad put tingz rait bitwiin im an piipl an mek dem liv fi eva an eva.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Iibruu 11:1

Wen wi chos iina Gad it mek wi shuor bout di sitn dem we wi onggl uop se wi a-go get, an wi nuo se di sitn dem we wi kyaahn si, dem de de fi chuu.

Iibruu 11:27

Siek-a ou im chos iina Gad, im lef Iijip an neehn fried se di king mait-a beks. An im neehn ton bak. Im uol aan pan di Gad we nobadi kyaahn si, laik se im kuda si im.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

1 Jan 2:25

An wa di Bwai Pikni did pramis a dis: im se wi a-go liv fi eva.

Juud 1:21

Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.