Jan 6:39 - Di Jamiekan Nyuu Testiment

³⁹ An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Jan 6:39 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Matyu 18:14

A siem so unu Faada we iina evn no waahn dem likl wan ya fi go chrie.

Luuk 12:32

“So, unu we a fala mi, no bada fried. Unu Faada api fi gi unu im kindom.

Jan 12:48

Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

Jan 17:12

Wen mi did de mongks dem, mi yuuz yu powa fi gyaad an kip dem sief — di powa we yu did gi mi. Non a dem neehn laas, onggl di wan we did baan fi ded an go a el. An dis ya apm so dat wa Gad wod se wuda kom chuu.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 17:6

“Di piipl dem fram outa di worl we yu gi mi, mi shuo dem a uu yu bi. Dem did a fi yu bot yu gi mi dem, an dem fala we yu tel dem fi du.

Jan 17:9

“Mi a prie fi dem. Mi naa prie fi di worliyan dem. Mi a prie fi dem we yu gi mi, kaa dem a fi yu.

Jan 18:9

Im se dis ya fi mek wa rait dong iina Gad wod kom chuu. It se, “No iivn wan a dem we yu gi mi, mi no laas.”

Jan 5:28

“No bada get fraitn bout wa mi de se. Kaa di taim a-go kom wen evribadi we ded an iina dem griev gweehn ier Gad Bwai Pikni vais

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Jan 6:44

“Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.

Jan 6:54

Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

1 Korintiyan 6:14

Gad yuuz im powa an mek di Laad kom bak alaiv, an im a-go mek wi liv agen tu.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

Jiemz 5:15

An wen di choch liida dem prie tu di Laad an biliiv se im ier dem, dem prieya a-go mek di sik sumadi get beta. Di Laad a-go mek dem get beta, an ef dem did sin, im a-go paadn dem.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.