Jan 6:27 - Di Jamiekan Nyuu Testiment

²⁷ No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Jan 6:27 ပူးပေါင်းရင်းမြစ်များ

Koloshan 3:2

So, unu fi gwaan tingk bout di sitn dem we de iina evn, an no bout di sitn dem we de ya-so pan ort.

Jan 6:54

Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Jan 10:28

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Jan 6:51

Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Matyu 6:19

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem.

Jan 6:58

A dis a di fuud we kom dong fram outa evn. It no komiin laka di fuud we unu faada faada dem did nyam an stil ded. Di sumadi we nyam da fuud ya a-go liv fi eva.”

2 Piita 1:17

Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

1 Piita 1:24

Gad wod se, “Evri man an uman a laik graas, an aal dem gud luks, an di big op we dem get tan laik wail flowaz. Di graas jrai op an di flowaz jrap a grong,

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Jan 3:33

Di sumadi we tek iin an fala wa im se shuo klier klier se wa Gad se a chuu sitn.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Jan 6:68

Saiman Piita ansa im an se, “Laad, a uu els wi mos go tu? A yu av di mesij we kaaz piipl fi liv fi eva.

Luuk 9:35

Den dem ier wan vais iina di kloud se, “Dis a mi bwai pikni, a im mi pik, unu fi lisn we im se.”

Iibruu 12:16

An mek shuor tu, se nobadi no kom liv no luus laif an naa no rispek fi Gad an Gad sitn dem laik Iisaa. Evriting we Iisaa wuda get, kaaz im a im faada fos bwai pikni, im gi we aal a dat fi wan dege-dege pliet a fuud.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Koloshan 2:22

Aal a dem ruul ya a taak bout fuud an jringk we onggl yuuz wan taim an we no wot notn afta dat. An unu no fi fala dem ruul ya, kaaz a jos piipl mek dem op an tiich dem.

1 Korintiyan 9:2

Iivn ef ada piipl no tingk se mi a wan apasl, unu fi nuo se mi a wan! Kaaz di fak se unu an di Laad a wan shuo se mi a riili wan a Gad apasl.

1 Korintiyan 6:13

Ada piipl wi se tu, “Fuud a fi yu beli an yu beli a fi fuud,” — bot Gad a-go mash op di tuu a dem. Yu badi neva mek fi yu tek it go tek paat iina aal kain-a seks sin. Yu badi a fi di Laad an di Laad a fi yu badi.

Ruoman 4:11

An a lang afta dat apm Iebriyam go get sorkomsaiz. Im go get sorkomsaiz fi shuo se Gad did mek tingz rait bitwiin di tuu a dem iivn duo im neva sorkomsaiz, an Gad did du it kaaz Iebriyam did biliiv iina im. So Iebriyam komiin laik di faada fi aal a di piipl dem we neva get sorkomsaiz bot uu Gad mek tingz rait bitwiin im an dem kaaz dem biliiv iina im.

Jan 15:24

Dem wudn gilti ef mi neehn du di powaful sitn dem we dem neva si nobadi els du. Bot nou dem si dem powaful sitn ya, an dem iet mi an mi Faada siem wie.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 11:42

Mi nuo se yu eva lisn tu mi, bot mi a se dem sitn ya fi di siek-a di kroud a piipl we de ya-so, so dat dem kyan biliiv se a yu sen mi kom.”

Jan 8:18

Mi a di wan we taak bout miself, an mi faada we sen mi taak bout mi tu.”

Maak 9:7

Den wan kloud kom dong kom kova dem op an dem ier sumadi vais iina di kloud se, “A fi mi Bwai Pikni dis. Unu fi lisn wa im se!”

Maak 1:11

An wan vais fram evn se, “Yu a fi mi wan dege-dege Bwai Pikni, mi lov yu an yu mek mi aat glad.”

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Jiemz 1:11

Wen di son kom op an jrai op di plaant dem, di flowaz jrap aaf so it no priti no muo. A di siem ting a-go apm tu rich piipl we bizi a luk bout dem bizniz.

2 Korintiyan 4:18

So wi naa wach di sitn dem we wi kyan si, kaaz dem sitn de naa go laas fi eva. Insted-a dat wi wach di sitn dem we wi kyaahn si kaaz dem de sitn de laas fi eva.

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Jan 3:15

so aal a dem we chos iina im kyan liv fi eva.

Jan 6:47

Mi a tel unu fi chuu chuu: enibadi we chos iina mi gweehn liv fi eva.

Jan 6:53

So Jiizas se tu dem se, “Mi a tel unu fi chuu chuu: ef unu no nyam di Man we Gad Pik badi an ef unu no jringk fi'im blod, unu naa go liv fi eva.

Jan 6:62

Den a wa gweehn apm ef unu si di Man we Gad Pik go bak we im did de bifuo!