Jan 5:46 - Di Jamiekan Nyuu Testiment

⁴⁶ Ef unu did biliiv iina Muoziz, unu wuda biliiv iina mi, kaaz a mi im did rait bout.

Jan 5:46 ပူးပေါင်းရင်းမြစ်များ

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Luuk 24:27

Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Aks 26:22

Tu da die ya Gad a elp mi an so mi tan op infronta aal a unu, weda unu impuotant ar no impuotant, fi taak di chuut. Di siem ting wa Muoziz an di prafit dem did se a-go apm, a di siem ting mi a se.

Gyalieshan 3:24

So di Laa did a gyaad wi til Krais Jiizas kom. It did a elp wi fi liv rait so dat wen Jiizas kom wi kuda mek tingz rait wid Gad, ef wi biliiv iina im.

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

Gyalieshan 3:10

Gad a-go ponish di piipl dem we a fala di Laa an tingk se dat a-go siev dem. Kaaz nobadi kyaahn fala aal a di Laa dem an it rait dong iina Gad wod se, “Enibadi we no fala aal a di Laa dem, Gad a-go ponish dem.”

Gyalieshan 2:19

So azkaadn tu di Laa mi ded aredi — kaaz mi naa fala it no muor. Mi tap fala it so dat mi kuda liv mi laif fi sorv Gad. It komiin laik se mi did ded pan di kraas wid Krais Jiizas.

Ruoman 10:4

Bot Krais Jiizas mek it so dat wi no afi fala di Laa no muor; Gad wi mek tingz rait bitwiin im an enibadi we biliiv iina Krais Jiizas.

Jan 5:47

Bot sins unu no biliiv wa im rait se, den a ou unu gweehn biliiv wa mi de tel unu?”