Jan 5:44 - Di Jamiekan Nyuu Testiment

⁴⁴ Ou unu fi biliiv iina mi, wen unu lov fi get big op fram unu wan aneda? Ou unu fi biliiv iina mi, wen unu naa chrai fi mek di wan an onggl Gad big unu op?

Jan 5:44 ပူးပေါင်းရင်းမြစ်များ

Matyu 23:5

“Dem jos shuo aaf! Dem du aal we dem du fi mek piipl si dem. Unu si ou dem mek fi dem leda baks wid difrant difrant vors outa Gad wod wel big, ye, di siem wan we dem tai aan pan dem ed an dem an. An luk pan dem tasl, luk ou lang it bi!

Luuk 19:17

“Im maasta se, ‘Yu du gud mi sorvant! Siek-a ou yu anggl wan sumaal sitn, tek chaaj a ten siti.’

Jan 12:43

Yu si, dem did rada big op fram piipl muo dan fram Gad.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 3:20

Kaa evribadi we du rang iet lait an dem no waahn fi waak out iina di lait, kaa dem fried se di lait gweehn shuo op di bad sitn dem we dem a du.

Jan 5:41

“Mi naa luk fi get big op fram piipl.

Jan 8:43

Wa mek unu no andastan wa mi a se? A chuu unu kyaahn riili si chuu wa mi a tel unu se.

Ruoman 2:10

Bot di piipl dem we eva a du gud an we a liv rait, Gad a-go big dem op an taak gud bout dem. Im a-go gi dem piis iina dem aat. Gad a-go du dat fi piipl we a Juu an fi piipl we a no Juu tu.

Ruoman 2:29

Di piipl dem we a riili Juu a di wan dem we Gad tek fi bi im piipl kaaz dem lou di Uoli Spirit fi chienj dem aat, no kaaz dem sorkomsaiz ar nuo di Laa. Dem de piipl de, Gad a-go big op, iivn ef ada piipl naa big dem op.

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Korintiyan 10:18

Kaaz it no mata ef yu tingk se yu a du gud, it onggl mata ef Gad tingk se yu gud.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

1 Tesaluoniyan 2:6

Wi neehn a luk fi piipl big wi op ar notn laka dat. Wi neva did a luk fi dat fram non a unu ar fram nobadi els niida.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

Iibruu 3:12

Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.

Jiemz 2:1

Mi breda an sista, sins unu se unu chos iina wi powaful Laad Jiizas Krais, unu kyaahn chriit som piipl beta dan som.

1 Piita 1:7

Dem ya chraiyal ya, a fi tes umoch unu chos iina Gad, fi mek shuor se unu riili chos iina im, jos laik ou dem tes guol iina faiya fi mek shuor se di guol riil fi chuu. An di chos we unu chos iina Gad — dat wot muo dan guol, kaa guol kyan mash op. So iivn duo unu a go chuu faiya kaa unu chos iina Gad, unu wi gwaan chos iina im siem wie an paas di tes, so Gad wi priez unu an ana unu wen Jiizas Krais kom bak.

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!