Jan 5:39 - Di Jamiekan Nyuu Testiment

³⁹ Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Jan 5:39 ပူးပေါင်းရင်းမြစ်များ

Matyu 22:29

So Jiizas se tu dem se, “Unu a se ded piipl naa kom bak alaiv — bwai unu rang, kaa unu no nuo we Gad wod se, an unu no nuo Gad powa.

Maak 10:3

Jiizas aks dem se, “Wa Muoziz tel unu fi du?”

Maak 12:10

Unu neva riid wa rait dong iina Gad wod, “ ‘Di rakstuon di bilda fling we a it a uol op di bildin nou.

Luuk 16:29

“Iebriyam ansa se, ‘Dem av Muoziz an di prafit dem. Mek dem lisn dem.’

Luuk 16:31

“Iebriyam se, ‘Ef dem no lisn Muoziz an di prafit dem, no iivn sumadi fram di ded a-go mek dem chienj dem main.’ ”

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Luuk 24:27

Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 5:32

Bot yu av sumadi els we a se tingz bout mi, an mi nuo se aal a wa im a taak se wot sopm — wa im se a chuu.

Jan 5:36

“Bot sitn els de de we shuo uu mi bi an it wot muo dan we Jan se bout mi. A di sopm dem we mi Faada gi mi fi du — di siem wan dem we mi a du nou — a dem shuo se a di Faada sen mi kom.

Jan 5:40

an unu stil naa kom tu mi so unu kyan get fi av riil laif.

Jan 5:46

Ef unu did biliiv iina Muoziz, unu wuda biliiv iina mi, kaaz a mi im did rait bout.

Jan 7:52

Bot dem se tu im se, “Yu no kom fram Gyalalii tu? Go chuu Gad wod an si fi yuself — no prafit neva eva kom outa Gyalalii yet!”

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Aks 26:27

King Agripa, yu biliiv wa di prafit dem rait? Mi nuo se yu biliiv.”

Ruoman 1:2

Lang bifuo Jiizas baan, Gad did pramis fi sen da Gud Nyuuz de tu wi. Im mek im prafit dem rait it dong iina Gad wod se im a-go sen it.

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Iibruu 11:16

Insted-a dat dem did a luk fi wan beta plies — wan we de a evn. So Gad no shiem fi se im a fi dem Gad, kaaz im get wan siti redi fi dem.

Iibruu 11:35

Uman get bak dem ded fambili, kaaz dem kom bak alaiv. Bot som ada wan, dem enimi did mek dem sofa bad bad, bot dem mek op dem main se dem naa go go frii. Da wie de, dem kyan kom bak alaiv an liv wan beta laif.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”