Jan 5:28 - Di Jamiekan Nyuu Testiment

²⁸ “No bada get fraitn bout wa mi de se. Kaa di taim a-go kom wen evribadi we ded an iina dem griev gweehn ier Gad Bwai Pikni vais

Jan 5:28 ပူးပေါင်းရင်းမြစ်များ

Jan 3:7

So no fraitn wen yu ier mi tel yu se, ‘Yu afi baan wan neks taim.’

Jan 4:21

So, Jiizas se tu ar se, “Liedi, chos mi pan da wan ya: di taim a-go kom wen piipl naa go worship di Faada pan da mountn ya ar iina Jeruusilem.

Jan 4:23

Bot di die an taim de kom — an it de ya nou — wen di piipl dem we riili worship di Faada gweehn worship im ou di Spirit waahn dem fi worship an fram wie dong iina dem aat. Kaaz a dem de saat a piipl de di Faada a luk fa fi worship im.

Jan 5:20

Kaa di Faada lov di Bwai Pikni an di Faada shuo im evriting we im du. Im a-go shuo im iivn biga sitn dan dem ya — tingz we gweehn shak unu.

Jan 5:25

“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Aks 24:15

Mi an dem man ya biliiv di siem ting. Wi a wiet an a luk fi Gad mek ded piipl kom bak alaiv, weda dem did gud ar bad.

Aks 3:12

Wen Piita si dem, im se tu dem se, “Aal a unu Izrel piipl, wa unu shak so fa? Wa unu tan op a luk pan wi so fa? Unu tingk a chuu wi powaful ar chuu wi gud iina Gad yai mek wi mek da man ya waak?

1 Korintiyan 15:22

Piipl afi ded siek-a wa Adam did du, bot piipl we biliiv iina Gad a-go kom bak alaiv siek-a wa Jiizas Krais did du.

Filipiyan 3:21

Im a-go yuuz im powa an kanchuol evriting. An im a-go yuuz da siem powa de an chienj wi wiik badi dem, an mek dem komiin laik fi im powaful badi.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.