Jan 5:27 - Di Jamiekan Nyuu Testiment

²⁷ An pan tap a dat, di Faada gi di Bwai Pikni di powa fi joj piipl, kaaz a im a di Man we Gad Pik.

Jan 5:27 ပူးပေါင်းရင်းမြစ်များ

Matyu 9:6

Bot fi mek unu nuo, mi a-go shuo unu se di Man we Gad Pik av di rait an di powa fi paadn sin pan ort,” den im ton tu di kripl man an se, “Git op, tek op yu chrecha an gwaan a yu yaad.”

Jan 5:22

Plos, di Faada no rait aaf nobadi. Nuo! Im gi uova aal a dat de tu im Bwai Pikni,

Jan 9:39

Jiizas se, “Mi kom iina di worl fi joj piipl, so blain piipl kyan si an di wan dem we tingk se dem kyan si get blain.”

Aks 10:42

Jiizas aada wi fi priich tu di piipl an fi mek dem nuo se a im a di wan we Gad pik fi joj piipl we a liv an piipl we ded.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

1 Korintiyan 15:25

Kaaz Jiizas afi ruul uova di kindom, til im put di uol a im enimi dem anda im fut.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.