Jan 5:26 - Di Jamiekan Nyuu Testiment

²⁶ Kaa di Faada av di powa fi mek piipl liv, an im gi di Bwai Pikni di powa so dat im kyan mek piipl liv tu.

Jan 5:26 ပူးပေါင်းရင်းမြစ်များ

Jan 1:4

Im a di wan we mek evriting liv, an a im kyari lait kom gi piipl so dem kyan si.

Jan 10:18

Nobadi no tek we mi laif fram mi. A mi gi it op miself. Mi av di powa fi gi it we an mi av di powa fi tek it bak. A dis ya mi Faada tel mi fi du.”

Jan 11:25

Den Jiizas se tu ar se, “Mi a di wan we mek piipl kom bak alaiv; a mi mek piipl liv. Enibadi we biliiv iina mi a-go liv, aal ef dem ded.

Jan 11:26

An dem we alaiv an biliiv iina mi, dem naa go ded. Yu biliiv dis ya?”

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Jan 6:57

Jos laik ou di Faada we gi laif sen mi an mek mi liv, a siem so mi a-go mek di sumadi we nyam mi liv.

Jan 8:51

Mi a tel unu fi chuu chuu, enibadi we du wa mi tiich naa go ded.”

Aks 17:25

An im no niid nobadi fi du notn fi'im, laik se im niid notn fram dem, kaaz a im gi evribadi laif an aal di sitn dem we dem niid.

1 Korintiyan 15:45

It aal rait dong iina Gad wod se, “Di fos man, Adam, Gad did afi mek im — Gad did afi gi im laif.” Bot di laas Adam, im a-go bi wan spirit we kyan gi piipl laif.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Revilieshan 7:17

Kaaz di Biebi Shiip we de a di migl a di chuon a-go tek kier a dem jos laik ou wan shepad tek kier a im shiip dem. Im a-go liid dem go a wan plies we fresh kliin waata eva a ron. An Gad gweehn jrai op aal a dem yai-waata.”