Jan 5:20 - Di Jamiekan Nyuu Testiment

²⁰ Kaa di Faada lov di Bwai Pikni an di Faada shuo im evriting we im du. Im a-go shuo im iivn biga sitn dan dem ya — tingz we gweehn shak unu.

Jan 5:20 ပူးပေါင်းရင်းမြစ်များ

Jan 3:35

Di Faada lov im Bwai Pikni, an im gi im powa uova evriting.

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

2 Piita 1:17

Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”

Jan 17:26

Mi mek dem nuo yu, an mi a-go gwaan mek dem nuo yu, so dat dem mait-a kyan lov dem wan aneda siem laka ou yu did lov mi, an so mi kyan liv iina dem.”

Jan 15:15

Mi naa kaal unu sorvant no muo, kaa sorvant no nuo dem maasta bizniz. Mi a kaal unu mi fren, kaa mi mek unu nuo bout evriting mi Faada tiich mi.

Jan 14:12

Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Jan 10:32

bot Jiizas se tu dem se, “Mi du nof powaful sitn we mi Faada tel mi fi du infronta unu yai. A wich wan a dem unu a stuon mi fa?”

Jan 5:29

an kom bak alaiv — dem we du gud a-go kom bak fi liv fi eva, an dem we du wikidnis a-go get sen fi ded.

Jan 5:25

“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Luuk 10:22

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.”

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.