Jan 5:18 - Di Jamiekan Nyuu Testiment

¹⁸ Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 5:18 ပူးပေါင်းရင်းမြစ်များ

Matyu 12:5

“Ar, uol aan de, unu no riid iina di Laa ou di priis dem wok iina Gad ous pan Sabat die an so dem a brok wa di Laa se bout di Sabat, bot dem no du notn rang iina Gad yai.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 10:30

Mi an di Faada a wan an di siem.”

Jan 10:33

“Wi naa stuon yu fi non a dem sitn de,” dem se tu im. “Wi gweehn stuon yu kaaz a ou yu a disrispek Gad. Yu a onggl wan man, an yu a taak bout se yu a Gad.”

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 14:9

So Jiizas se tu im se: “Yu no nuo mi, Filip, afta mi de mongks unu fi so lang? Enibadi we si mi si di Faada tu. Ou yu fi a aks mi se, ‘Shuo wi di Faada’?

Jan 19:7

Bot di Juu liida dem stil baal out, “Wi av wan laa we se im fi ded, kaa im a taak bout ou im a Gad Bwai Pikni.”

Jan 5:15

Wel, di man lef go we go tel di Juu liida dem se a Jiizas did mek im get beta.

Jan 5:16

An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Jan 5:17

Bot Jiizas se tu dem se, “Fi mi Faada eva a wok, an mi a wok tu.”

Jan 5:23

so dat evribadi kyan rispek di Bwai Pikni iina di sed wie dem rispek di Faada. Enibadi we no rispek di Bwai Pikni no rispek di Faada we sen im.

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Jan 7:19

No chuu se a Muoziz gi unu di Laa? Bot non a unu no kip it. So wa mek unu a chrai fi kil mi?”

Jan 8:54

Jiizas ansa dem se, “Ef mi big op miself, dat de big op de no wot wan ting. Fi mi Faada, di wan we unu se a fu'unu Gad, a im a di wan we big mi op.

Jan 8:58

So Jiizas se tu dem se, “Mi de tel unu fi chuu chuu se bifuo Iebriyam did baan, mi de bout!”

Filipiyan 2:6

Iina evri wie im did aalwiez tan laik Gad, bot im neva tingk se im did afi eng aan pan dat.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 22:3

Notn ar nobadi we Gad no tek iin kyaahn go iina di siti. Gad an di Biebi Shiip chuon a-go iina di siti an Gad piipl a-go worship im.