Jan 5:16 - Di Jamiekan Nyuu Testiment

¹⁶ An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Jan 5:16 ပူးပေါင်းရင်းမြစ်များ

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Jan 10:39

Den, dem chrai fi uol im an lak im op wan muo taim, bot im get we fram dem.

Jan 7:25

Nou da taim de som a di piipl we liv a Jeruusilem staat aks, “A no di man dis we dem a chrai fi kil?

Jan 5:13

Bot di man neehn nuo a uu did mek im get beta kaaz Jiizas did slip we iina di kroud a piipl we did de a di plies.

Luuk 6:11

Bot di Farisii an di Laa tiicha dem did beks beks an staat fi taak mongks dem wan aneda bout wa dem fi du wid Jiizas.

Maak 3:6

So siem taim di Farisii dem lef out an go staat plan wid Erad falara dem fi kil Jiizas.

Matyu 12:13

Den im se tu di man, “Chrech out yu an.” Di man chrech out im an, it get beta, an kom bak gud gud laik di neks wan.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 5:15

Wel, di man lef go we go tel di Juu liida dem se a Jiizas did mek im get beta.

Jan 5:17

Bot Jiizas se tu dem se, “Fi mi Faada eva a wok, an mi a wok tu.”

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 7:21

So Jiizas se tu dem se, “Mi du onggl wan mirikl an di uol a unu shak.