Jan 5:15 - Di Jamiekan Nyuu Testiment

¹⁵ Wel, di man lef go we go tel di Juu liida dem se a Jiizas did mek im get beta.

Jan 5:15 ပူးပေါင်းရင်းမြစ်များ

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 4:29

“Unu kom, kom kom luk pan wan man we tel mi bout aal a di sitn dem mi eva du. Unu tingk se im kuda a di Krais?”

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 5:12

So dem aks im se, “A wich man tel yu fi, tek op mat an waak?”

Jan 5:16

An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 9:15

So di Farisii dem aks di man ou kom im get fi kyan si. Di man tel dem se, “Im put mod pan mi yai dem, an mi go wash aaf mi fies an nou mi kyan si.”

Jan 9:25

Bot im se tu dem se, “Sina ar no sina, mi no nuo im a wich wan a dem. Wan ting mi nuo se a dat mi did blain, an nou mi kyan si!”

Jan 9:30

So, ier di man tu dem, “Bot wat a piis a sopm, iihn! Im mek mi kyan si, bot siem taim unu no nuo wich paat im kom fram!

Jan 9:34

Wen dem ier dat, dem se tu im se, “Yu ful op a sin fram yu baan. A uu yu tingk yu bi fi a chrai a tiich wi notn?” An dem kik im outa di Juu choch.