Jan 5:14 - Di Jamiekan Nyuu Testiment

¹⁴ Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Jan 5:14 ပူးပေါင်းရင်းမြစ်များ

Matyu 12:45

Den di wikid spirit go we go bring bak sevn muo spirit we wosa dan it an di uol a dem go iin de go liv. So nou, da sumadi de wosaraaf dan bifuo. A siem so it a-go go fi di wikid set a piipl dem fram da taim ya!”

Maak 2:5

Wen Jiizas si ou di man dem biliiv iina im, im se tu di kripl man se, “Mi pikni, mi paadn yu fram aal a yu sin dem.”

Jan 5:13

Bot di man neehn nuo a uu did mek im get beta kaaz Jiizas did slip we iina di kroud a piipl we did de a di plies.

Jan 5:5

Nou, yu did av wan sik man we did de de fi toti iet ier.

Jan 8:11

“No iivn a suol, sar,” shi se. “Den mi naa go se yu fi ded siek-a we yu du niida,” Jiizas se tu ar. “Gwaan nou, an no sin no muor.”

1 Piita 4:3

Unu spen inof taim a du wa di worliyan dem laik fi du. Iina di paas aal wa unu mosn du — a dat unu did lang fi du an galang go du. An unu yuus fi jringk uol iip aal di taim. Unu jringk chrang jringk we jongk unu aaf. Den som a di taim dem, unu an unu fren dem wuda av unu wail paati an jringk an galang wid aal kain-a naasinis. An ef dat neva bad, unu put ada gad uova Gad we av aal powa — wat a wikid wikid sitn!