Jan 5:10 - Di Jamiekan Nyuu Testiment

¹⁰ So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 5:10 ပူးပေါင်းရင်းမြစ်များ

Jan 9:16

Den som a di Farisii dem se, “Di man we du da sitn ya no kom fram Gad, kaa im no kip di Sabat.” Bot som ada piipl aks, “Bot a ou sina man fi du dem powaful mirikl ya?” So aal a dem neehn grii wid dem wan aneda.

Luuk 6:2

Som Farisii si dem an aks, “Wa mek unu a du wa di Laa se wi no fi du pan di Sabat?”

Luuk 13:14

Di ed man fi di Juu dem choch did beks kyaahn don, kaaz Jiizas get ar beta pan di Sabat. So im se tu di piipl dem, “Siks die de iina di wiik fi wok. Kom get beta pan wan a dem de die de, no dwi'it pan di Sabat!”

Maak 3:4

Den im aks di piipl, “Wich wan di Laa se wi kyan du pan di Sabat: fi du gud ar fi du bad, fi siev sumadi laif ar fi kaaz sumadi fi ded?” Bot nobadi neva se a wod.

Maak 2:24

So som Farisii aks Jiizas se, “Luk ya, wa mek dem a du wa di Laa se dem no fi du pan di Sabat?”

Jan 5:16

An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Jan 7:23

So ef wan pikni kyan get sorkomsaiz pan di Sabat fi mek shuor se Muoziz Laa no get brok, wa mek unu beks wid mi, kaa mi mek sumadi get beta pan di Sabat.

Luuk 23:56

Den dem go a dem yaad go luk bout spais an porfyuum. Bot pan di Sabat, dem res kaaz a dat Muoziz Laa se dem fi du.

Matyu 12:10

Wan man did de de uufa an did shrivl op shrivl op. An som piipl aks Jiizas, “Bies pan Muoziz Laa, it aarait fi piipl get iil pan di Sabat die?” Dem aks im dat kaa dem did a luk fi wan riizn fi se im did a brok di Laa.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 5:11

Bot di man se tu dem se, “Di man we mek mi get beta tel mi se, ‘Tek op yu mat an waak.’ ”

Jan 5:15

Wel, di man lef go we go tel di Juu liida dem se a Jiizas did mek im get beta.