Jan 4:42 - Di Jamiekan Nyuu Testiment

⁴² Dem se tu di uman se, “A no jos chuu yu tel wi bout im mek wi biliiv iina im. A kaa wi si an ier im fi wiself, an siek-a dat wi nuo se a riili da man ya a-go siev di worl, fi chuu.”

Jan 4:42 ပူးပေါင်းရင်းမြစ်များ

Matyu 1:21

Shi a-go av wan bwai pikni an yu fi kaal im Jiizas, kaa im a-go siev im piipl dem fram dem sin.”

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Jan 11:17

Wen Jiizas riich, im fain se Lazaros did don iina di griev fi fuo die.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 4:29

“Unu kom, kom kom luk pan wan man we tel mi bout aal a di sitn dem mi eva du. Unu tingk se im kuda a di Krais?”

Jan 4:41

an uol iip muo a dem chos iina im, siek-a wa im se.

Aks 13:23

“Da siem man ya, Dievid, Gad pik wan a im pikni pikni dem, di wan niem Jiizas, an sen im fi kom siev di Izrel piipl, kaaz a dat im did pramis dem faada faada se im wuda du.

Aks 4:12

A onggl Jiizas wan kyan siev piipl, an a fi'im niem Gad gi piipl. Nobadi els iina di uol worl kyaahn siev yu.”

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

1 Timoti 4:10

Wi put wi chos iina di Gad we kyaahn ded an we siev evribadi, speshali di wan dem we biliiv iina im. Gad pramis fi mek wi liv fi eva ef wi chos iina im an a so mek wi afi chogl an wok aad.

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

1 Jan 4:14

Faada Gad sen im Bwai Pikni fi siev wi. Wi did si im, an wi a tel evribadi bout im.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.