Jan 4:41 - Di Jamiekan Nyuu Testiment

⁴¹ an uol iip muo a dem chos iina im, siek-a wa im se.

Jan 4:41 ပူးပေါင်းရင်းမြစ်များ

Luuk 4:32

Di wie ou im tiich shak dem, kaaz im mesij shuo se im nuo we im a taak bout.

Jan 4:40

So, wen dem fain Jiizas, dem beg an beg im fi no lef bot fi tan de wid dem. So im tan de wid dem tuu muo die,

Jan 4:42

Dem se tu di uman se, “A no jos chuu yu tel wi bout im mek wi biliiv iina im. A kaa wi si an ier im fi wiself, an siek-a dat wi nuo se a riili da man ya a-go siev di worl, fi chuu.”

Jan 6:63

Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif.

Jan 7:46

Di gyaad dem se, “Nobadi neva eva taak laik ou da man ya taak.”

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 8:12

Bot wen dem biliiv di gud nyuuz we Filip did a priich bout Gad kindom an Jiizas Krais, evribadi, man an uman go get baptaiz.

Aks 8:25

Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.