Jan 4:38 - Di Jamiekan Nyuu Testiment

³⁸ Mi sen unu out fi gyada op wa unu no wok aad fi plaant. Ada piipl du di aad wok, an unu onggl a go iin an a gyada op wa dem wok aad fi plaant.”

Jan 4:38 ပူးပေါင်းရင်းမြစ်များ

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Jan 1:7

Gad did sen Jan fi tel piipl bout di wan we a di lait, so dem kuda biliiv we Jan se.

Jan 17:18

Siem laka ou yu sen mi kom iina di worl, a siem wie so mi sen dem iina di worl.

Jan 4:37

So a chuu sitn piipl a taak bout wen unu ier dem se, ‘Wan sumadi plaant siid, bot sumadi els gyada di fuud.’

Jan 4:39

Nou, nof a di Samaritan piipl dem we did lef outa di toun did biliiv iina Jiizas. Dem biliiv iina im siek-a wa di uman did tel dem se. Shi se, “Im tel mi bout evriting we mi eva du.”

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 4:32

Aal a di piipl we biliiv iina Jiizas a did wan iina dem aat an main. Nobadi neva se, ‘Notn mi av a fi mi wan.’ Bot dem shier aal wa dem av mongks dem wan aneda.

Aks 4:4

Bot nof a di piipl dem we did ier di apasl dem mesij biliiv it. Di gruup a man dem we biliiv iina Jiizas nou a did bout faiv touzn.

Aks 5:14

Bot muor an muor piipl biliiv iina di Laad an jain dem gruup, uol iip a man an uman.

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

2 Korintiyan 10:15

So wi no brag bout ada piipl wok laik se a wi did du it. Aal wi du a uop se unu wi get chrangga an chrangga iina wa unu biliiv, so dat wi wok mongks unu wi gruo tu.