Jan 4:21 - Di Jamiekan Nyuu Testiment

²¹ So, Jiizas se tu ar se, “Liedi, chos mi pan da wan ya: di taim a-go kom wen piipl naa go worship di Faada pan da mountn ya ar iina Jeruusilem.

Jan 4:21 ပူးပေါင်းရင်းမြစ်များ

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

Jan 16:32

“Unu luk! Di taim a kom — an it de ya aredi — wen aal a unu a-go skyata an go a unu yaad. Unu a-go lef mi wan. Bot mi no de pan mi uon, kaa mi Faada de ya wid mi.

Jan 4:23

Bot di die an taim de kom — an it de ya nou — wen di piipl dem we riili worship di Faada gweehn worship im ou di Spirit waahn dem fi worship an fram wie dong iina dem aat. Kaaz a dem de saat a piipl de di Faada a luk fa fi worship im.

Jan 5:25

“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Jan 5:28

“No bada get fraitn bout wa mi de se. Kaa di taim a-go kom wen evribadi we ded an iina dem griev gweehn ier Gad Bwai Pikni vais

Aks 6:14

Wi ier im se di wan Jiizas we kom fram Nazaret a-go mash dong da plies ya an mek wi liv difrant fram ou Muoziz tel wi faada faada dem fi liv.”

Ifiijan 2:18

Siek-a Krais Jiizas, di Uoli Spirit mek aal a wi kyan go tu Faada Gad.

Ifiijan 3:14

Sins mi nuo aal a dis, mi go dong pan mi nii an prie tu faada Gad.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

Revilieshan 21:22

Mi neehn si Gad ous iina di siti, kaaz di Laad Gad we nobadi no powaful laik an di Biebi Shiip, a dem a Gad ous.