Jan 4:15 - Di Jamiekan Nyuu Testiment

¹⁵ “Sar,” di uman se agen, “beg yu gi mi som a da waata de, so dat mi kyaahn get torsti agen, an so dat mi no afi kom baka da wel ya fi jraa no muo waata!”

Jan 4:15 ပူးပေါင်းရင်းမြစ်များ

Jan 4:16

So Jiizas tel ar se, “Gwaan go kaal yu ozban an kom bak.”

Jan 6:26

So, Jiizas ansa dem an se, “Mi a-go tel unu sitn we chuu chuu: unu naa luk fi mi chuu unu si di big an powaful mirikl dem we unu si mi du. Nuo! Unu de luk fi mi kaa unu get fuud fi nyam unu beli ful.

Jan 6:34

“So, sar,” dem se tu im, “gi wi da fuud de an no tap gi wi it.”

Jan 6:35

Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Ruoman 8:5

Di piipl dem we a liv ou dem badi waahn dem fi liv, dem a mek dem badi kanchuol dem. Dem kyan onggl tingk wa dem badi waahn dem fi tingk. Bot di piipl dem we liv ou di Spirit se dem fi liv, dem a mek Gad Spirit kanchuol dem. Dem tingk ou Gad Spirit se dem fi tingk.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Jiemz 4:3

Iivn wen unu aks Gad, unu stil no get wa unu aks fa, kaaz unu a aks fi di rang riizn. Unu jos waahn dem sitn de fi big op unu ches an fi mek unu fiil impuotant.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.