Jan 4:11 - Di Jamiekan Nyuu Testiment

¹¹ So shi se tu im se, “Bot, sar, yu no av no bokit fi tek jraa waata, plos di wel diip. So, a wich paat yu gweehn get da kain-a waata de we yu a taak bout?

Jan 4:11 ပူးပေါင်းရင်းမြစ်များ

Jan 3:4

So Nikodiimos aks im se, “Den a ou sumadi we oul fi baan agen? Sumadi kyan go bak iina im mada beli an baan wan neda taim?”

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Jan 7:37

Pan di laas an bigis die a di Ot Alidie, Jiizas get op an baal out pan tap a im vais, “Ef nobadi torsti, mek dem kom tu mi fi sitn fi jringk.

Aks 10:14

Piita se, “Uu mi? Nuo Laad, ou mi fi du dat? Mi neva nyam non a dem sitn de we di Laa se no fi nyam kaaz dem no kliin.”

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Revilieshan 7:17

Kaaz di Biebi Shiip we de a di migl a di chuon a-go tek kier a dem jos laik ou wan shepad tek kier a im shiip dem. Im a-go liid dem go a wan plies we fresh kliin waata eva a ron. An Gad gweehn jrai op aal a dem yai-waata.”