Jan 3:34 - Di Jamiekan Nyuu Testiment

³⁴ Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Jan 3:34 ပူးပေါင်းရင်းမြစ်များ

Matyu 12:18

“Si mi sorvant ya we mi pik, di wan we mi lov, di wan we mek mi api so til. Mi a-go gi'im mi Spirit, an im a-go mek evribadi, aal di piipl dem we a no Juu, nuo se Gad a-go joj dem fier.

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Jan 1:16

Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 5:26

Kaa di Faada av di powa fi mek piipl liv, an im gi di Bwai Pikni di powa so dat im kyan mek piipl liv tu.

Jan 7:16

So Jiizas ansa dem an se, “A no mi mek op we mi tiich. A di wan we sen mi kom gi mi it fi tiich.

Jan 8:40

Bot nou, unu a chrai fi kil mi, sumadi we taak di chuu sitn dem we im ier Gad taak bout. Iebriyam neehn du notn laka dat de.

Jan 8:47

Dem we bilang tu Gad ier wa Gad se. Unu kyaahn si chuu we mi a se, kaa unu no bilang tu Gad.”

Aks 1:2

til di die im get tek op iina evn. Dat a did afta Jiizas yuuz di Uoli Spirit fi tel im apasl dem we im did pik, wa im waahn dem fi du.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Koloshan 1:19

Eniting we mek Gad Gad, de iina Jiizas tu. Gad did api wid dat; a im mek it apm so.

Koloshan 2:9

Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.