Jan 3:29 - Di Jamiekan Nyuu Testiment

²⁹ Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

Jan 3:29 ပူးပေါင်းရင်းမြစ်များ

Matyu 22:2

“Yu did av wan king uufa bwai pikni did a go get marid. So im did a saat out wan big dina fi'im bwai — an a dis Gad kindom komiin laik.

Matyu 25:1

“Da taim de, Gad kindom a-go komiin laik ten yong gyal we tek dem lamp go miit di man we a get marid.

Matyu 9:15

Jiizas se tu dem se, “Yu tingk se di piipl dem we di braidgruum invait kyan a lang dong dem fies an sad sad op demself wen di braidgruum de mongks dem? Di taim a kom wen di braidgruum a-go gaan fram dem. A da taim de, dem wi kip we fram fuud.

Luuk 15:6

an go a yu yaad. An wen yu riich yu kaal out yu fren an nieba dem an se, ‘Kom selibriet wid mi, mi fain mi shiip we did laas.’ ”

Jan 15:11

Mi a tel unu aal a dem sitn ya, so unu wi glad iina unu aat siem laka ou mi glad iina fi mi.

Jan 16:24

Aal nou unu no aks fi notn kaa unu a mi falara. Aks an unu wi get we unu aks fa, so dat unu kyan riili riili api.

Jan 17:13

“Mi a kom a yu nou, bot mi a se aal a dem sitn ya wail mi stil iina di worl, so dat dem kyan api kyaahn don jos laka ou mi api.

Jan 3:30

Da man de we a baptaiz piipl, im afi get biga an biga. Mi, mi afi get sumaala an sumaala.

2 Korintiyan 11:2

Mi wori bout unu siem laik ou Gad wori bout unu. Siem laik ou wan faada wi tek im gyal pikni we neva sliip wid nobadi yet an pramis fi marid ar tu wan man, a siem so mi did tek unu an pramis fi marid unu tu Krais Jiizas.

Filipiyan 2:2

So mi beg unu mek mi aat wel api: lov unu wan aneda iina di siem wie an kom tugeda an biliiv di siem sitn. Aal a unu fi waahn di siem sitn an unu fi wok tugeda fi di siem riizn.

1 Jan 1:4

Wi a rait fi tel unu dem sitn ya, kaaz it mek wi riili api fi tel unu.

2 Jan 1:12

A nof sitn mi av fi tel unu, bot mi no waahn rait dem wid pen an piepa. Mi suun kom luk fi unu so wi kyan taak fies tu fies, dat wi mek wi riili api.

Revilieshan 21:9

Di sevn ienjel dem we did av di sevn boul ful-a di sevn laas sitn dem fi mek piipl sofa wikid wikid, wan a dem se tu mi se, “Kum, mek mi shuo yu di braid, di Biebi Shiip waif.”