Jan 3:16 - Di Jamiekan Nyuu Testiment

¹⁶ “Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

Jan 3:16 ပူးပေါင်းရင်းမြစ်များ

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Maak 12:6

“Di uona did av onggl wan sumadi lef uu im kuda sen — im wan bwai pikni we im lov bad bad. So im sen im tu di tenant dem, kaaz im se, ‘Dem wi rispek mi bwai.’

Luuk 2:14

“Priez Gad we de a evn, an piis fi evribadi we Gad api wid.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Jan 10:28

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Jan 3:15

so aal a dem we chos iina im kyan liv fi eva.

Jan 3:18

Enibadi we chos iina Gad Bwai Pikni no get rait aaf, bot di piipl dem we no chos iina im, dem don rait aaf aredi, kaa dem no chos iina Gad wan dege-dege Bwai Pikni; dem no chos iina im niem.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Ruoman 5:8

Bot Gad shuo wi umoch im lov wi wen im sen Jiizas Krais fi ded fi wi, iivn duo wi a did sina.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Ifiijan 2:4

Bot chuu Gad gud an kain kyaahn don an siek-a ou im lov wi nof nof,

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Taitos 3:4

Bot wen Gad wi sievya shuo wi ou im lov wi an ou im gud tu wi,

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

1 Jan 4:19

Wi lov wan aneda kaaz Gad lov wi fos.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.