Jan 3:13 - Di Jamiekan Nyuu Testiment

¹³ Nobadi neva go a evn yet — onggl di wan we kom dong fram out de. An dat a di Man we Gad Pik.

Jan 3:13 ပူးပေါင်းရင်းမြစ်များ

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 3:12

Ef mi taak tu unu bout di sitn dem we tek plies pan di ort an unu no biliiv, ou unu a-go biliiv mi ef mi taak tu unu bout wa gwaan iina evn?

Jan 3:31

“Di sumadi we kom fram op a tap, biga an beta dan evribadi. Di sumadi we kom fram ort bilang tu di ort, an im taak bout wa gwaan pan di ort. Di sumadi we kom fram op a tap, biga an beta dan evribadi.

Jan 6:33

Kaa, di sumadi we kom dong fram outa evn an we gi laif tu di piipl dem we de iina di worl a im a di fuud we Gad gi.”

Jan 6:38

Kaa mi kom dong fram outa evn fi du wa Gad waahn mi fi du, no fi du mi uona ting.

Jan 6:42

Dem se tu dem wan aneda se, “A no Jiizas, Juozif bwai pikni, dis ya? A no fi'im mada an faada wi nuo? So ou den im a taak bout se, ‘Mi kom dong fram outa evn’?”

Jan 6:46

A no se nobadi eva si di Faada yet. Nuo! Di onggl sumadi we eva si'im a di wan we Gad sen kom. A onggl im wan eva si di Faada.

Jan 6:51

Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”

Jan 6:62

Den a wa gweehn apm ef unu si di Man we Gad Pik go bak we im did de bifuo!

Jan 8:42

Bot Jiizas se tu dem se, “Ef Gad did a unu Faada fi chuu, unu wuda lov mi, kaa mi kom fram Gad an nou mi de ya. Mi no kom ya pan mi uon; a im sen mi ya.

Aks 2:34

Dievid neva get tek op iina evn, bot im se, “ ‘Di Laad tel fi mi Laad se: “Sidong a mi rait an

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Ruoman 10:6

Bot dis a wa Gad wod se bout di piipl we get put rait wid Gad kaaz dem biliiv, it se: “No bada tingk tu unuself, ‘A uu a-go go op iina evn?’” (an wen unu a tingk dat, wa unu miin se, a uu a-go go op iina evn an aks Krais Jiizas fi kom dong kom siev wi.)

1 Korintiyan 15:47

Di fos man, Gad tek dot mek fi im badi, bot di sekan man, fi im badi kom fram evn.

Ifiijan 1:23

Nou, di choch a Jiizas badi. Jiizas gi di choch laif, an a im gi evriting evriwe laif.