Jan 21:7 - Di Jamiekan Nyuu Testiment

⁷ Den di falara we Jiizas did lov tel Piita se, “A di Laad!” Sed taim Saiman Piita ier dat de, im rap di likl kluoz we im did av aan roun im (kaa im neehn av aan notn anda it) an im jomp iina di waata.

Jan 21:7 ပူးပေါင်းရင်းမြစ်များ

Maak 11:3

Ef nobadi aks unu ‘Wa mek unu a luus it?’ tel dem se, ‘Di Laad waahn it an im suun sen it bak.’ ”

Luuk 12:35

“Fiks op unu kluoz so unu redi fi wok an kip unu lamp a bon tu,

Luuk 2:11

Di wan we a-go siev unu baan tide iina di toun we Dievid kom fram. Im a Krais, di Laad.

Luuk 7:47

So mi a tel yu, shi get paadn fi ar uol iip a sin dem, kaaz shi lov mi nof nof. Piipl we get paadn fi likl bit a sin, onggl av likl bit a lov fi mi.”

Jan 13:23

Wan a dem, di wan we Jiizas did wel lov, did de a di tiebl a sidong saida im.

Jan 19:26

Wen Jiizas si im mada, an di falara we im did lov a tan op saida ar, im se tu ar se, “Uman, tek im az yu uona bwai pikni.”

Jan 20:2

So shi ron go a Saiman Piita an di ada falara we Jiizas did lov, an se tu dem se, “Dem tek di Laad outa di tuum, an wi no nuo we paat dem put im!”

Jan 20:20

Wen taim im se dat de, im shuo dem im an dem an im said. An dem did glad kyaahn don wen dem si di Laad.

Jan 20:28

Den Tamas se tu im se, “Yu a mi Laad an mi Gad!”

Jan 21:20

Piita ton roun an si di falara we Jiizas did lov. (Di sed wan we did sidong saida Jiizas wen taim dem did a nyam di laas sopa. A im siem wan did aks Jiizas se, “Laad, a uu a-go sel yu out?”)

Jan 21:24

A dis a di falara we si di uol a dem sitn ya fi imself an tel piipl bout dem. A im rait dem dong an aal a wi nuo se a chuu im a taak.

Jan 21:8

Di ada falara dem fala baka Piita. Dem did a aal iin di net ful-a fish kaa dem neehn de faar fram shuor — onggl bout onjrid yaad.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 2:36

“So mi waahn aal a unu Izrel piipl fi nuo an andastan dis: Gad mek da siem Jiizas ya Laad an Krais.”

1 Korintiyan 15:47

Di fos man, Gad tek dot mek fi im badi, bot di sekan man, fi im badi kom fram evn.

2 Korintiyan 5:14

Krais Jiizas lov wi, an a fi im lov mek wi a du wa wi a du. Kaaz wi nuo an biliiv se im did ded fi di uol a wi. An sins im ded fi evribadi, aal a wi did ded wid im tu.

Jiemz 2:1

Mi breda an sista, sins unu se unu chos iina wi powaful Laad Jiizas Krais, unu kyaahn chriit som piipl beta dan som.