Jan 21:17 - Di Jamiekan Nyuu Testiment

¹⁷ Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 21:17 ပူးပေါင်းရင်းမြစ်များ

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Maak 14:72

Siem taim wan ruusta kruo, dat mek di sekan taim. Den Piita memba ou Jiizas did tel im se, “Bifuo di ruusta kruo tuu taim, yu a-go se yu no nuo mi chrii taim.” An Piita staat baal, an im baal an baal so til.

Jan 12:8

Unu eva a-go av puo piipl roun unu, bot unu naa go av mi roun ya wid unu fi eva.”

Jan 13:38

Bot Jiizas se tu im se, “Yu wuda ded fi mi fi chuu? Mi naa lai yu, bot bifuo di ruusta kruo, yu gweehn se yu no nuo mi chrii taim!”

Jan 14:15

“Ef unu lov mi fi chuu, unu gweehn du aal a wa mi tel unu fi du.

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Jan 18:27

Piita se notn no go so, an siem taim im se so wan ruusta kruo.

Jan 18:4

So Jiizas nou, chuu im did don nuo wa did a go apm tu im, waak op tu dem an aks dem se, “A uu unu a luk fa?”

Jan 21:18

Mi a tel yu fi chuu chuu, wen yu did sumaala yu put aan yu uona kluoz an yu go eniwe yu waahn fi go, bot wen yu get uol yu gweehn chrech out yu an dem, an ada piipl gweehn put aan yu kluoz an tek yu go wich paat yu no waahn go.”

Jan 4:16

So Jiizas tel ar se, “Gwaan go kaal yu ozban an kom bak.”

Aks 1:24

Den dem prie, “Laad, yu nuo wa iina evribadi aat. So shuo wi wich wan a dem yu pik

Aks 11:10

Chrii taim di siem ting apm, an den di shiit get tek op bak iina evn.

Aks 15:8

Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

1 Piita 1:6

So unu mos api bout aal a dem sitn ya, iivn duo rait ya nou unu mait-a sad fi wan likl wail siek-a aal a di chraiyal dem we unu a fies, an di sitn dem we mek unu waahn du rang.

2 Piita 3:1

Fren, dis a mi sekan leta tu unu nou. Mi rait di tuu leta dem fi memba unu bout dem sitn ya, so unu kyan tingk bout wa gud an kliin.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.