Jan 21:12 - Di Jamiekan Nyuu Testiment

¹² “Kom nyam brekfas,” Jiizas se tu dem. Bot non a dem neehn bier fies inof fi aks im se, “A uu yu?” kaa dem did nuo se a did di Laad.

Jan 21:12 ပူးပေါင်းရင်းမြစ်များ

Matyu 22:46

Nobadi kudn se notn, an fram da die de, nobadi no iivn tingk fi aks im notn muo.

Maak 9:32

Bot dem neva andastan wa im did miin, an dem did fried fi aks im.

Luuk 9:45

Bot Jiizas falara dem neva get we im se an dem di fried fi aks im wa im riili a taak bout. Gad did aid wa it miin so dem kudn andastan it.

Jan 16:19

Jiizas si se dem did waahn aks im bout it, so im se tu dem se, “A wa mi dis se unu a aks unu wan aneda bout, ‘Likl bit fram nou unu naa go si mi no muo, den likl bit afta dat unu gweehn si mi’?

Jan 21:11

Saiman Piita klaim iina di buot an aal iin di net. It did ful-a big fish, wan onjrid an fifti chrii a dem, bot wid aal dem mount a fish de, di net neehn bos op.

Jan 21:15

Afta dem don nyam, Jiizas aks Saiman Piita se, “Saiman, Jan bwai pikni, yu lov mi muo dan ou yu lov dem ya?” “Yes, Laad,” Saiman se, “Yu nuo se mi lov yu.” So Jiizas se, “Fiid mi biebi shiip dem.”

Jan 4:27

Siem taim nou, Jiizas falara dem kom bak an dem shak fi fain im a taak tu wan uman. Bot nobadi neva se tu ar, “A wa yu waahn?” an non a dem neva aks im se, “A wa mek yu a taak tu ar?”

Aks 10:41

A no evribadi did si im, onggl wi, di wan dem we Gad did pik fram wie bak wen — wi we iit an jringk wid im afta im kom bak alaiv.