Jan 20:25 - Di Jamiekan Nyuu Testiment

²⁵ So di ada falara dem se tu im se, “Wi si di Laad!” Bot im se tu dem se, “Ef mi no si di niel uol dem iina im an dem an get fi put mi fingga iina dem, an ef mi no get fi put fi mi an iina im said, den mi naa go biliiv se a chuu unu a taak.”

Jan 20:25 ပူးပေါင်းရင်းမြစ်များ

Matyu 27:42

“Im siev ada piipl, bot im kyaahn siev imself! Im a di King fi Izrel? A wa kain-a king im bi? Im a Izrel king! Mek im kom dong aafa di kraas nou an wi wi biliiv wa im se.

Maak 16:11

An wen Mieri tel dem se Jiizas kom bak alaiv an dat shi si im, dem neva biliiv ar.

Maak 16:13

Dem go bak go tel di ada wan dem, bot dem neva biliiv dem.

Maak 16:14

Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Jan 1:41

Di fos ting Anju du afta im miit Jiizas a fain im breda, Saiman, an tel im se, “Wi fain di Mesaiya” (Iina fi dem langwij dat miin Krais).

Jan 20:27

Den im se tu Tamas se, “Put yu fingga ya-so an luk pan mi an dem. Chrech out yu an an put it iina mi said. Tap if-an-bot, an biliiv wa yu si.”

Jan 21:7

Den di falara we Jiizas did lov tel Piita se, “A di Laad!” Sed taim Saiman Piita ier dat de, im rap di likl kluoz we im did av aan roun im (kaa im neehn av aan notn anda it) an im jomp iina di waata.

Jan 6:30

So, dem aks im se, “Wa kain-a powaful mirikl yu gweehn du fi wi so wi kyan si'it an biliiv iina yu? Wa yu a-go du?

Iibruu 3:12

Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.

Iibruu 3:18

An a uu Gad swier se naa go eva kom get di piis we im gi, an naa go eva get fi kom a di plies we dem kyan jos res, iihn? Ef a neva di wan dem we neehn lisn im an du wa im se dem fi du, den a uu?