Jan 20:24 - Di Jamiekan Nyuu Testiment

²⁴ Nou, Tamas (we dem kaal Didimos), wan a Jiizas twelv falara dem neehn iina di ruum wid di ada falara dem wen taim Jiizas did kom iin de.

Jan 20:24 ပူးပေါင်းရင်းမြစ်များ

Jan 11:16

Den Tamas — uufa pet niem a did “Twin” — se tu di res a Jiizas falara dem se, “Kom mek di uol a wi go wid im, so wi kyan ded wid im tu.”

Iibruu 10:25

Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.

Jan 21:2

Saiman Piita, Tamas (we dem kaal Didimos), Nataniyel (we kom fram Kiena iina Gyalalii), Zebidii bwai pikni dem, an tuu a Jiizas ada falara dem did de tugeda.

Jan 14:5

Tamas den se tu im se, “Laad, wi no nuo di wie fi go wich paat yu de go. Ou wi kyan get fi nuo di wie fi go de?”

Matyu 10:3

Den yu did av Filip, Bartalimyuu, Tamas, Matyu — di taks kalekta, Jiemz — Alfiyos pikni, an Tadiyos.

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Jan 6:71

(Nou, im did a taak bout Juudas, Saiman Iskyariyat bwai pikni, uu im nuo se did a-go ton im uova tu im enimi dem.)