Jan 20:20 - Di Jamiekan Nyuu Testiment

²⁰ Wen taim im se dat de, im shuo dem im an dem an im said. An dem did glad kyaahn don wen dem si di Laad.

Jan 20:20 ပူးပေါင်းရင်းမြစ်များ

Matyu 28:8

Di uman dem tek aaf kwik kwik! Dem fraitn an glad siem taim, an dem ron go tel Jiizas falara dem.

Jan 16:20

Mi a tel unu fi chuu chuu se unu gweehn ala an baal, bot di piipl dem iina di worl a-go wel api. Unu a-go sad, bot dat a-go chienj an unu a-go wel glad.

Jan 16:22

A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Jan 19:34

So insted-a brok Jiizas fut dem, wan a di suoja dem tek wan spier shub iina im said, an blod an waata ron out sed taim.

Jan 20:25

So di ada falara dem se tu im se, “Wi si di Laad!” Bot im se tu dem se, “Ef mi no si di niel uol dem iina im an dem an get fi put mi fingga iina dem, an ef mi no get fi put fi mi an iina im said, den mi naa go biliiv se a chuu unu a taak.”

Jan 20:27

Den im se tu Tamas se, “Put yu fingga ya-so an luk pan mi an dem. Chrech out yu an an put it iina mi said. Tap if-an-bot, an biliiv wa yu si.”

1 Jan 1:1

Di wan we niem di Wod we did de bout fram wie bak wen kom dong a ort tu wi. Wi did ier di Wod wid wi uona iez, si it wid wi uona yai dem, an toch it wid wi uon tuu an dem. A da siem Wod ya wi a tel unu bout.